Чүпрәле территориясендә 3051 гектар урман исәпләнә
Тагын 200 төп нарат, имән, чыршы һәм миләш үсентеләре утырттылар
(Казан, 15 октябрь, “Татар-информ”). 1030 квадрат километр мәйданлы Чүпрәле территориясендә дә 3051 гектар гына урман исәпләнә. Бу бик аз.
Район үзәгендәге элеккеге инкубатор территориясен Иске Чүпрәленең 1 һәм 2 номерлы урта мәктәпләре үзләренең паркы итәргә теләк белдереп дөрес эшләделәр. Шимбә көнгә кадәр анда 100 төп чамасы юкә утыртканнар иде. “Урманнар утырту көне” ндә биредә тагын 200 төп: нарат, имән, чыршы һәм миләш үсентеләре утырттылар, дип белдерә “Туган як” газетасы.