Җәмгыять 14 февраль 2018 04:00

Чүпрәле техникум студентлары республика конкурсы финалына чыкты

Сәхнәгә Татарстан Республикасы көллиятләренең һәм техникумнарының иң яхшы студентларын чакырып бүләкләделәр.

Скопировать ссылку

(Чүпрәле, 14 февраль, "Татар-информ", "Туган як"). Шушы көннәрдә генә Әлмәт шәһәренең "Нефтьче" мәдәният йортында һөнәри белем бирү "Ел казанышы – 2017" оешмалары студентларының үзидарә органнары арасында республика конкурсы үткәрелде, дип яза җирле басма.

Сәхнәгә Татарстан Республикасы көллиятләренең һәм техникумнарының иң яхшы студентларын чакырып бүләкләделәр. Алар арасында Чүпрәле районының тармаклы технологияләр техникумы студентлары Салават Юсупов ("Иҗади шәхес" номинациясе) һәм Петр Ярмушов ("Форпост" студент отряды номинациясе) бар иде. Билгеләнгән шартларда каралганча, читтән торып беренче этапта конкурсантлар 2017 елда үз номинацияләре буенча ирешелгән уңышлар турында материалларны тәкъдим иттеләр. Студентлар конкурсның финал этабына лаеклы үттеләр һәм Дипломнар белән бүләкләнделәр, - ди тармаклы технологияләр техникумы директорының укыту һәм тәрбия буенча урынбасары Валерий Лухманов.

#Чүпрәле #Туган як

Сәхифәләр

Чүпрәле техникум студентлары республика конкурсы финалына чыкты