Чүпрәле районының Түбән Чәке авылында күпфункцияле үзәк төзелә
Яңа үзәктә 11 мең данә китап өчен аерым зал каралган.
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
(Чүпрәле, 6 июль, "Татар-информ", "Туган як", Рәшит Фәтхуллов). Чүпрәле районының Түбән Чәке авылында күпфункцияле үзәк төзелә. Бүгенге көндә күпфункцияле үзәк дип аталучы бинаның сәхнәсе, ишек, тәрәзәләре ясала. Бу турыда район басмасы хәбәр итә.
Төзү осталары, Юрий Порфирьев җитәклегендә, эшне бик сыйфатлы башкаралар. Владимир Кудрявцев җитәкләгән бригадага эретеп ябыштыру эшләре йөкләнгән. Район башкарма комитетының төзелеш һәм архитектура бүлеге начальнигы Радик Баһаветдинов әлеге объектның август аенда файдалануга тапшырылачагы турында әйтте.
Август ахырында билгеләнеп үтәчәк республика һәм район оешу бәйрәмнәре уңаеннан Түбән Чәке авылы җирлегендә яшәүчеләр өчен бу тарихи зур бүләк булачак.
"Яңа үзәктә 200 тамашачыга исәпләнгән зал, сәхнә, чишенү бүлмәсе булачак. Гомумән, бинада проект буенча мәдәният хезмәткәрләре өчен барлык уңайлыклар да тудырылачак", - дип сөйләде Түбән Чәке мәдәният йорты директоры Нина Митрофанова.
Шушы бинаның бер өлешендә авыл китапханәсе дә урнашачак икән. 11 мең данә китап өчен аерым зал каралган. Киенү-чишенү бүлмәсе бар.