Җәмгыять 15 июнь 2017 22:00

Чүпрәле районы башлыгы җитәкчелегендәге делегация Ульяновск аграр университетында булды

Очрашу барышында югары уку йорты һәм Чүпрәле районы арасында үзара хезмәттәшлек итү турында килешү төзелде.

Скопировать ссылку

(Чүпрәле, 15 июнь, "Татар-информ", "Туган як", Гөлия Фәизова). Чүпрәле районы башлыгы Александр Шадриков җитәкчелегендәге делегация П.А. Столыпин исемендәге Ульяновск аграр университетында булып кайтты, дип яза район газетасы.

Делегация составында район авыл хуҗалыгы һәм азык-төлек идарәсе начальнигы Ирек Мөхәмәтҗанов, мәдәният бүлеге җитәкчесе Зөлфәт Сәгъдиев һәм өч агропредприятие: "Ак Барс Чүпрәле", "Дементьев" һәм "Эталон-Агро" җитәкчеләре-Фәрит Мөдәрисов, Иван Павлов, Сергей Никитин катнаштылар.

Университет ректоры Александр Дозоров, мөгаллимнәр, өлкән курс студентлары белән түгәрәк өстәл артында үткән очрашуда киләчәк һөнәи юнәлеш хакында сөйләшү алып барылды.

Район башлыгы Чүпрәленең потенциалы, соңгы елларда икътисад, социаль өлкәсендә булган үзгәрешләр, үсешләр хакында сөйләп, булачак белгечләрне эшкә чакырды. Агроидарә җитәкчеләре дә терлекчелек, үселекчелек өлкәсендәге перспектив юнәлешләр турында бәян иттеләр.

Александр Шадриков районда яшь белгечләр: агромнар, инженерлар, мал табиблары кирәклеген ассызыклап, яшьләрне кызыксындыру, ярдәм итү программалары, яшь гаиләләргә каралган ташламалар белән таныштырды. Аларның ни рәвешле тормышка ашырылуы белән кызыксыну максатында районга чакрды. Әлбәттә, яшьләрне киләчәктә язмышларын хәл итәчәк тәкъдимнәр кызыксындырды һәм алар мөмкинлектән файдаланырга вәгъдә бирделәр.

Очрашу барышында югары уку йорты һәм Чүпрәле районы арасында үзара хезмәттәшлек итү турында килешү төзелде, диелгән район хәбәрендә.

#Чүпрәле #Туган як

Сәхифәләр

Чүпрәле районы башлыгы җитәкчелегендәге делегация Ульяновск аграр университетында булды