Спорт 7 июнь 2018 23:00

Чүпрәле кызы академик ишкәк ишү буенча халыкара ярыштан көмеш медаль белән кайтты

Якын арада спортчы ишкәк ишү буенча Россия чемпионатында көч сынарга планлаштыра.

Скопировать ссылку

(Чүпрәле, 7 июнь, "Татар-информ", "Туган як"). Июнь башында Мәскәү шәһәрендә "Олы Мәскәү регатасы" академик ишкәк ишү буенча халыкара ярышлар узды. Чарада төрле илләрдән 900дән артык спортчы көч сынады. Шулар арасында Россиядән Татарстан Республикасы данын яклап,Чүпрәле районы Шланга авылы кызы Раилә Сатдинова да катнашты, дип яза җирле басма.

2 км араны Раиля 14 минут, 42 секундта узып, ярышлның көмеш призеры исеменә лаек булды.

Әйтергә кирәк, Чүпрәле спортчысы мондый төр ярышларда икенче тапкыр катнаша. Үткән ел ишкәк ишүдә 1 урын алган иде. Раилә ярышларга тренеры Мәсхүт Гайнетдинов белән әзерләнә. Якын арада алар ишкәк ишү буенча Россия чемпионатында көч сынарга планлаштыралар.

#Чүпрәле #Туган як

Сәхифәләр

Чүпрәле кызы академик ишкәк ишү буенча халыкара ярыштан көмеш медаль белән кайтты