Чүпрәле халык җыр һәм бию ансамбле халык иҗаты фестивалендә бүләкләнгән
Республика көнен бәйрәм итү кысаларында 23-24 июньдә Чабаксарда "Россия чишмәләре" XXVII Бөтенроссия халык иҗаты фестивале узды.
(Чүпрәле, 1 июль, "Татар-информ", "Туган як"). Чүпрәле "Таң" халык җыр һәм бию ансамбле «Россия чишмәләре» фестиваль Дипломы белән бүләкләнде. Бу ттурыда җирле басма хәбәр итә.
Республика көнен бәйрәм итү кысаларында 23-24 июньдә Чабаксарда "Россия чишмәләре" XXVII Бөтенроссия халык иҗаты фестивале узды.
Фестиваль илнең 46 төбәгеннән, шулай ук Болгария һәм Беларусь Республикаларыннан иң күренекле һәм иҗат коллективларын җыйды. Алар арасында Татарстаннан чүпрәлеләр дә бар иде.
Югары башкару осталыгы һәм XXVII Бөтенроссия "Россия чишмәләре" халык иҗаты фестивалендә актив катнашканы өчен Чүпрәле районының "Таң" халык җыр һәм бию ансамбле фестиваль Дипломы белән бүләкләнде. Шулай ук Чуваш Республикасы Мәдәният, милләтләр эшләре һәм архив эше министры К.Яковлевның Рәхмәт хаты белән бүләкләнде.