Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Чүпрәле элеваторы алтын һәм көмеш медальләргә лаек булды
Сыйфатлы продукция җитештергән өчен ул "Россиянең 100 алдынгы предприятиесе" исемлегенә кергән.
(Чүпрәле, 11 ноябрь,”Татар-информ”, “Туган як”). Мәскәү шәһәрендә IX Бөтенроссия он һәм ярмалар сыйфатын бәяләү конкурсына нәтиҗә ясалды. Конкурска 23 предприятиедән 130 төрле продукция үрнәге тәкъдим ителгән. Алар арасында “Чүпрәле элеваторы” җәмгыяте дә бар.
Югары сортлы икмәк пешерү бодай онының яхшы сыйфаты өчен “Чүпрәле элеваторы” алтын медальгә һәм I дәрәҗә дипломга, шулай ук, 1 сортлы икмәк пешерү бодай онының югары сыйфаты өчен көмеш медальгә һәм II дәрәҗә дипломга ия булды. “Чүпрәле элеваторы” шул рәвешле, “Россиянең 100 алдынгы предприятиесе” исемлегенә керде, дип шатлык уртаклаша районның “Туган як” газетасы.
Кызыклы яңалыкларны күзәтеп бару өчен Телеграм-каналга язылыгыз