Җәмгыять 2 декабрь 2018 02:00

Чүпрәле егетләре килешү нигезендә хәрби хезмәткә чакырыла

Контракт нигезендә хезмәт итүчеләргә социаль ташламалар каралган.

Скопировать ссылку

(Чүпрәле, 2 декабрь, "Татар-информ", "Туган як" ). Буа һәм Чүпрәле районнары хәрби комиссариаты Чиләбе өлкәсенең Чибәркүл шәһәрендәге танк дивизиясендәге хәрби частьләргә килешү нигезендә хәрби хезмәткә чакыра. бу турыда җирле басма хәбәр итә.

Анда контракт нигезендә, Ватан алдындагы бурычын үтәгән егетләр хезмәт итә ала. Шулай ук, югары һәм урта һөнәри белем алган егетләр дә бер еллык хәрби хезмәт урынына контракт хезмәтен сайлый ала.

Контракт нигезендә хезмәт итүчеләргә социаль ташламалар: хезмәт хакы (20 мең сумнан югары), торак, медицина ярдәме, пенсия белән тәэмин итү, бушлай юлда йөрү һ. б. каралган.

#Чүпрәле #Туган як

Сәхифәләр

Чүпрәле егетләре килешү нигезендә хәрби хезмәткә чакырыла