Татарстанның дүрт компаниясе Россиянең иң зур сөт җитештерүче компанияләре арасына керде
Татарстанның дүрт компаниясе Союзмолоко, Milknews һәм Streda Consulting тарафыннан әзерләгән Россиянең иң зур 30 сөт җитештерүче компанияләре рейтингына керде.
Республика предприятиеләре арасында «Кызыл Шәрык» агрохолдингы иң югары позицияне биләгән, ул 2025 елда 109,2 мең тонна сөт җитештереп, 15нче баскычта урнашкан. «Азык-төлек программасы» агросәнәгать комплексы (102,6 мең тонна) - 19нчы, «Камский бекон» (83,7 мең тонна) - 25нче, ә «Ак Барс» Холдинг компаниясе (74,6 мең тонна) - 29нчы урында.
Шул ук вакытта, Татарстан компанияләренең күбесе узган ел белән чагыштырганда үз позицияләрен яхшырткан. «Азык-төлек программасы» агросәнәгать комплексы аеруча сизелерлек үсеш күрсәткән, ул 22нче урыннан 19нчы урынга күтәрелгән һәм сөт җитештерүне 21,2 процентка арттырган.
«Камский бекон» 27нче урыннан 25нче урынга күчкән (+13,8 процент), ә «Ак Барс», берьюлы дүрт позициягә күтәрелеп (33нче урыннан 29нчы урынга), беренче тапкыр иң зур 30 компания арасына кергән. «Кызыл Шәрык», җитештерү күләмен 4,7 процентка арттырып, рейтингта 15нче урынны саклап калган.
Моннан тыш, «Кызыл Шәрык» һәм «Азык-төлек программасы» агросәнәгать комплексы ел йомгаклары буенча 100 мең тонна чиген узган компанияләр рәтенә кергән.