Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Чернышенко: Хөкүмәт студентларның стипендияләрен арттыру идеясен карарга әзер
Россия хөкүмәте студентларның стипендияләрен яшәү минимумы дәрәҗәсенә кадәр арттыру мөмкинлеген карарга әзер. Бу хакта вице-премьер Дмитрий Чернышенко РИА Новостига биргән интервьюсында белдерде. Әлеге сумма укучыларга түләүләрне алга таба арттырганда ориентир булырга мөмкин, дип билгеләде ул.
«Мин университетта укыган вакытта яшь гаиләмне тәэмин итү өчен параллель рәвештә ике эштә эшләдем. Шуңа күрә студентлар – актив егетләр һәм кызлар, алар ничек акча эшләп булачагын белә. Миңа калса, бу әйберләрне берләштерергә тырышырга кирәк. Ниндидер планкалар турында сөйләсәк, мөгаен, яшәү минимумы дәрәҗәсенә омтылырга кирәктер. Яшәү минимумы – ул уңайлы тормыш алып бару өчен кирәкле дәрәҗә. Ул һәр төбәктә төрле», - дип ассызыклады Чернышенко.
Аның сүзләренчә, хәзерге вакытта илдә миллионнан артык студент 3-15 мең сум күләмендә стипендия ала. Вице-премьер шулай ук укучыларга өстәмә ярдәм чаралары турында да искәртте.
«Хәзерге вакытта президент (Россия Президенты Владимир Путин – иск.), хөкүмәт рәисе (Михаил Мишустин – иск.) кушуы нигезендә түләнә торган ике тапкырга арттырылган стипендияләр бар. Президент стипендиясе 30 меңгә кадәр, хөкүмәт рәисе стипендиясе 20 меңгә кадәр арттырылган. Стимуллаштыручы башка төрле ярдәм чаралары, шул исәптән талантлы яшьләр өчен грантлар бар», - дип өстәде ул.
2025 елга эшкә яраклы кешеләр (шул исәптән балигъ булган студентлар) өчен яшәү минимумы илдә уртача 19 329 сум тәшкил итә. Әлеге күрсәткеч төрле төбәктә төрлечә булырга мөмкин.
Кызыклы яңалыкларны күзәтеп бару өчен Телеграм-каналга язылыгыз