Фән һәм мәгариф 27 октябрь 2023 16:32

Чернышенко Россия югары уку йортларында бюджет урыннары саны артуы турында әйтте

Скопировать ссылку

2024 елда Россия вузларында бюджет урыннары саны 591 967гә җитәчәк. Бу быелгы уку елына караганда 1811 урынга күбрәк. Бу хакта Россия вице-премьеры Дмитрий Чернышенко сөйләде.

«Россия Президенты Владимир Путин йөкләмәләре буенча 2024 елда Россия югары уку йортларында бюджет урыннар саны артачак», — дип билгеләп үтте түрә.

«Бюджет урыннарында иң зур үсеш инженерлар әзерләү программаларына карый — алар 2281гә арта. Ул Президент куйган өстенлекле бурыч — технологик суверенитетны кадрлар белән тәэмин итүне көчәйтергә мөмкинлек бирәчәк», — дип төгәллек кертә Чернышенко.

2023 елның 1 ноябреннән югары уку йортларыннан бюджет урыннарга гариза җыю башлана. Декабрь ахырында алар арасында конкурс буенча урыннарны бүлүгә йомгак ясалачак.

«Бюджет урыннарын төбәк һәм университетлар ихтыяҗларын исәпкә алып бүлү эш бирүчеләр, региональ хакимият органнары һәм югары уку йортлары арасында җентекле планлаштыру һәм сыйфатлы хезмәттәшлек таләп итә» — дип билгеләп үтте Россия Мәгариф һәм фән министры Валерий Фальков.

Сәхифәләр

Чернышенко Россия югары уку йортларында бюджет урыннары саны артуы турында әйтте