Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Чечен Республикасының Казан концертында шагыйрә Эльмира Шәрифуллина шигыре яңгырады
Чечен Республикасы мәдәнияте көннәре тәмамлану уңаеннан Габдулла Тукай исемендәге Татар дәүләт филармониясенең Концертлар залында үткән концерт программасында татар шагыйре Эльмира Шәрифуллина шигыре дә яңгырады.
«...Бердәм булыйк, бергә булыйк – дуслыкның көче шунда. Юлдаш булып йөр, дуслык! Илче булып кил, дуслык! Һәрбер өйгә, кер, дуслык! Безнең белән тор, дуслык!» – дигән шигырь юлларын концертны алып баручы татар телендә укыды.
«Сез, бәлки, ни өчен нәкъ менә шушы шигырь сайлануын сорарсыз. Чөнки монда дуслык турында сүз бара. Безнең арадагы, халыклар арасындагы дуслык турында!» – дип аңлатты ул.
Чечен Республикасының 100 еллыгына багышланган концерт Чечен дәүләт филармониясе коллективлары һәм артистлары катнашында оештырылган. Концертның кульминацион ноктасы «Вайнах» бию академик ансамбле чыгышы иде.
- Казанда Чечен Республикасы мәдәнияте көннәре 11-13 май көннәрендә үтте. Татарстанга Чечен Республикасының мәдәният министры Айшат Кадыйрова да килгән иде.
Кызыклы яңалыкларны күзәтеп бару өчен Телеграм-каналга язылыгыз