Чаллының яңа микрорайоннары газлы булды
Скопировать ссылку
Чаллының яңа микрорайоннарында яшәүчеләр газлы булды. Зәңгәр ягулыкка Әбсәләмов, Каштановая һәм Третья Колосковая урамнары буенча урнашкан 119 йортны тоташтырдылар. 25 йорт газ белән бүгеннән үк куллана башлады. Газ торбаларының гомуми озынлыгы 7,5 км. Бу хакта «Шәһри Чаллы» хәбәр итә.
«Чаллы газ хезмәтендә эшләүчеләргә, «Газпром трансгаз Казан» бүлекчәсенә хәвәф-хәтәрсез эшләгәнегез өчен зур рәхмәт. Чаллы халкына уңайлы булсын өчен барысын да эшлисез!» – диде шәһәр мэры Наил Мәһдиев.