Чаллының «Җәмигъ» мәчете төзелешендә витраж ясарга керештеләр
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
Автокаланың «Җәмигъ» мәчете төзелешендә витраж ясарга керештеләр. Бу хакта шәһәр мэриясенең телеграм-каналында хәбәр ителә.
«Евростиль» компаниясе төзүчеләре мәчетнең тышкы диварларын ак мәрмәр белән тышлауны дәвам итә, 1 мең квадрат метрда бу эш төгәлләнгән инде.
Шулай ук төп корпуста түбә ябу эшләре башланган. Зәй керамзит заводы бу эшләр өчен керамзитны бушлай биргән.
Мэр Наил Мәһдиев объект төзелешен шәхси контролендә тота. «Шунысы мөһим, безгә төрле милләттәге, диндәге һәм конфессиядәге кешеләр ярдәм итә. Моның дәлиле буларак, Чаллыда төрле дин тотучы кешеләр үзара килешеп, яхшы мөнәсәбәтләрдә яши һәм гомуми мәсьәләләрне хәл итә», - дип искәртте бер интервьюда шәһәр башлыгы.
«Татар-информ» агентлыгы Чаллыдагы «Җәмигъ» мәчетенең төп гөмбәзенә ярымай куюлары хакында элегрәк хәбәр иткән иде.