Чаллының «Җәмигъ» мәчете төзелешенә 50 млн сум күчерүче билгеле
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
Чаллының «Җәмигъ» мәчете төзелешенә 3 ай эчендә 61 млн сумнан артык акча җыелган. Әлеге мәгълүматны мәчет каршындагы Попечительлек советы җиткерде. Иң зур өлешне «Санрайс капитал» компаниясе керткән. Ул төзелеш счётына 50 млн сум күчергән. Бу хакта «Шәһри Чаллы» сайтында Лилия Хәбибҗанова яза.
5 мең сумнан алып 5 млн сумга кадәр акча җибәрүче эшмәкәрләр дә бар. Шунысы сөендерә: җыйган акчаларын мәчеткә китереп бирүчеләр яисә электрон рәвештә акча күчерүчеләр дә бихисап. Кыска вакыт эчендә шәһәрдәшләрдән 2,3 млн сумга кадәр акча җыелган.
Искәртик, Чаллының кайбер оешма-предприятиеләре төзелеш материаллары белән ярдәм итә. Кайбер компанияләр бушлай хезмәт күрсәтә.
«Җәмигъ» мәчетен шәһәрнең 400 еллык юбилеена, 2026 елда төзеп бетерергә җыеналар. Ул берьюлы 3,2 мең кеше сыйдырышлы булачак.