Чаллының Әдәби тарихны өйрәнү музеена бер экспонат өстәлде
Скопировать ссылку
«Көмеш кыңгырау» газетасы редакциясе китапханәсендәге китаплар арасыннан иске пластинка килеп чыкты. «Мөнәҗәтләр һәм бәетләр» дип язылган иде аңа. Башкаручысы – Татарстанның халык артисткасы Гөлзада Сафиуллина. Бу турыда «Көмеш кыңгырау» сайтында хәбәр ителә.
«Бик тыңлыйсы килсә дә, пластинканы тыңлап булмады. Аны тыңлар өчен патефон яки граммофон кирәк шул. Пластинканың тышы да матур ясалган. Ташларга кулыбыз бармады. Шуңа да без бу табылдыкны Чаллы шәһәренең Үзәк китапханәсендәге Әдәби тарихны өйрәнү музеена тапшырырга булдык. Бу кызыклы пластинка белән танышасыгыз килсә, шунда барыгыз. Анда бәлки уйнатып та күрсәтерләр», – диелгән хәбәрдә.