Чаллыга эшкә килүче табибларга 500 мең сум түләячәкләр
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
Чаллыга эшкә килүче табибларга шәһәр хакимияте 500 мең сум түләячәк. Моңарчы ул 200 мең сумны тәшкил итә иде. Социаль ипотекага фатир алуга республикадан 800 мең сум бирелә. Бу хакта «Шәһри Чаллы» сайтында Лилия Хәбибҗанова хәбәр итә.
«Элегрәк без 100 мең сум бирә идек. Соңыннан 200 мең сумга күтәрдек. Бу юлы уйлаштык та 500 мең сумлык акчалата ярдәм бирергә булдык», - диде шәһәр мэры Наил Мәһдиев.
Чаллыда сәламәтлек саклау идарәсенең 2024 ел нәтиҗәләре буенча медицина советының киңәйтелгән утырышы узды. Анда ТР сәламәтлек саклау министры Марсель Миңнуллин, шәһәр мэры Наил Мәһдиев, сәламәтлек саклау идарәсе җитәкчесе Рөстәм Ногманов, шәһәрнең дәвалау учреждениеләренең баш табиблары һәм медицина хезмәткәрләре катнашты.