Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Чаллыдан күп балалы гаиләләргә 8 районнан җир бирәчәкләр
Чаллыда яшәүче күп балалы гаиләләрне җир белән тәэмин итүгә шәһәр башкарма комитеты 42,5 млн сум бүлеп бирәчәк. Әлеге сумма шәһәр бюджетыннан калган акчадан алыначак һәм җирләрне межалауга тотылачак. Бу хакта «Шәһри Чаллы» газетасы яза.
Чаллыда җир алуга 6 мең гаилә чиратта тора. 900 гектарга якын җир таләп ителә. Узган елның декабрендә ТР Дәүләт Советы депутатлары яңа закон кабул итте. Аның нигезендә, Чаллыдан күп балалы гаиләләргә якындагы Тукай районында гына түгел, Татарстанның тагын сигез районында да җир кишәрлекләре тәкъдим итәргә мөмкин.
Алар арасында Менделеевск, Алабуга, Минзәлә, Зәй, Сарман, Әгерҗе, Актаныш һәм Мөслим районнары бар. Менделеевск районы җитәкчелегенә Чаллыдан күп балалы гаиләләргә тапшыру өчен 670 кишәрлек табу бурычы йөкләнгән. 131 участок әзер. Җирләрне Чаллыга тапшыру белән межалау эшләренә керешәчәкләр, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз