Чаллыда ялга кайткан хәрбиләргә һәм аларның гаиләләренә фильм күрсәттеләр
Чаллының Үзәк районы хакимияте махсус хәрби операциядә катнашучы шәһәрдәшләргә һәм аларның гаиләләренә үзенчәлекле бүләк ясады. 3 декабрьдә алар өчен түләүсез киносеанс күрсәттеләр. 300гә якын бала әниләре һәм кыска вакытлы ялга кайткан әтиләре белән шәһәр кинотеатрларының берсендә «Хоккейные папы» дигән фильм карады. Бу хакта «Шәһри Чаллы» хәбәр итә.
«Чараны оештыруда финанс ярдәме күрсәткәне өчен, эшкуар Наил Сәйфуллинга да рәхмәтебезне җиткерәбез. Хәрбиләрнең гаиләләренә алга таба да төрле яклап булышачакбыз. Мондый киносеанслар һәр якшәмбедә диярлек уза. Яңа ел каникулларында, узган көзге каникуллардагы кебек үк, махсус хәрби операциядә катнашучыларның балалары өчен башка төр чаралар да үткәрергә ниятлибез», - дип белдерде Үзәк районы хакимияте башлыгы Эдуард Фәттахов.