Чаллыда Халыклар бердәмлеге көнен билгеләп үттеләр
Скопировать ссылку
Бүген Чаллыда «Ватан-Ана» мемориаль комплексы янында халыклар бердәмлегенә багышланган тантана булды. БУ хакта «Шәһри Чаллы» сайтында Зөлфия Галим яза.
Анда Татарстан Дәүләт һәм шәһәр Советы депутатлары, студентлар, активистлар, мәктәп укучылары, иҗтимагый хәрәкәт вәкилләре катнашты.
Шәһәрдәшләрне Башкарма комитет җитәкчесе Фәрид Сәлахов котлады.
«Чулман буендагы кечкенә генә шәһәргә 80нән артык милләт вәкиле килеп, иңне-иңгә куеп, бердәм булып биредә «КАМАЗ» заводлары комплексы, Чаллыны төзү өчен эшләделәр. Беренче төзүчеләр салган традицияләр буенча без Чаллыда дус, тату яшибез. Киләчәктә дә шулай яшик», - диде ул.