Чаллыда «Йорт янында – эш» проекты буенча яңа җитештерү эшен башларга җыеналар
Скопировать ссылку
Чаллыда «Йорт янында – эш» проекты буенча яңа җитештерү эшен җайга салып җибәрергә уйлыйлар. Аның кысаларында транспорт чаралары өчен кабель-жгут продукциясе җитештерергә җыеналар. Бу хакта «Шәһри Чаллы» хәбәр итә.
Бу эшләргә якынча 150 кешене җәлеп итәргә исәп тоталар. Нигездә, әлеге проект төрле сәбәпләр аркасында, сәнәгать зоналарына йөри алмаучы гражданнарны – балалы хатын-кызларны, инвалидларны, пенсионерлар һәм студентларны эшле итү максатыннан гамәлгә куела.