Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Чаллыда Татар яшьләре форумы була
24 һәм 25 октябрьдә Чаллының «Нур» яшьләр үзәгендә Татар яшьләре форумы узачак. Анда шәһәр студентлары катнаша. Әлеге чара татар халкының милли үзенчәлеген, мәдәниятен һәм традицияләрен саклау, яшьләрнең игътибарын татар теленә юнәлтү, аны үстерүгә җәлеп итү максатыннан оештырыла. Бу хакта «Шәһри Чаллы» хәбәр итә.
Программа кысаларында студентлар проектлары өстендә эшләячәк, төрле мастер-классларда («Хореография»; «Театр серләре»; «Вокал»; «КВН»; «Ораторлык осталыгы»; «Милли мәдәният элементлары белән бизнес») катнашачак, татар халкының милли традицияләрен һәм уеннарын искә төшерәчәкләр.
Яшьләр үз проектларын «Мизгел» милли-мәдәни клубы ярдәмендә ел дәвамында гамәлгә ашыра алачак.
Форумның икенче көнендә, 25 октябрьдә, мастер-класслар барышында алган белемнәрне гамәлдә күрсәтәчәкләр. Җиңүчеләрне бүләкләр һәм дипломнар көтә.
Искәртик, форум башкарма комитетның яшьләр белән эшләү идарәсе тарафыннан «Мизгел» милли-мәдәни клубы һәм «Нур» яшьләр үзәге ярдәмендә оештырыла.
Кызыклы яңалыкларны күзәтеп бару өчен Телеграм-каналга язылыгыз