Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Чаллыда татар теле укытучылары семинары булды
Чаллының 28нче мәктәбендә татар теле һәм әдәбияты укытучылары өчен төбәкара семинар узды. Чарада «Татар теле һәм әдәбияты дәресләрендә уку грамоталылыгын формалаштыру» темасы күтәрелде. Шулай ук мәктәпнең татар теле һәм әдәбияты укытучылары ачык дәресләр, мастер-класслар күрсәтте. Дәресләрдә укучыларны укуга кызыксындыру, әсәрләргә мәхәббәт уяту максатыннан төрле алымнар файдаланылды. Бу хакта «Шәһри Чаллы» хәбәр итә.
Семинарда катнашучыларга концерт номерлары да күрсәтелде. Рус мәктәбендә белем алучы балаларның гармунда, курай һәм гитарада уйнаулары кунакларның күңеленә хуш килде.
Чарада катнашучыларны мәктәп кысаларында эшләүче музей эшчәнлеге белән дә таныштырдылар. «Палеонтология», «Сугыш чоры геройлары», «Татар өе», «Рус йорты» бүлекләренең экспонатлары турында математика укытучысы Илнур Нәбиуллин сөйләде. Музей аша укучыларга гореф-гадәтне тапшыру аеруча отышлы булды.
Чарада катнашучылар семинар югары дәрәҗәдә оештырылган дип бәяләде. Мәктәп директоры Илдар Әхмәтҗановка рәхмәт сүзләре ирештерде.
Кызыклы яңалыкларны күзәтеп бару өчен Телеграм-каналга язылыгыз