Чаллыда Сугыш ветераннары госпиталендә инсульттан соң тернәкләнү турында фикер алыштылар
Скопировать ссылку
Чаллы шәһәре Сугыш ветераннары госпиталендә «үзәк нерв системасы авырулары һәм җәрәхәтләре булган кешеләрне өч этаплы медицина тернәкләнүе» темасына республикаара семинар-киңәшмә узды. Бу хакта Татарстан Сәламәтлек саклау министрлыгының матбугат хезмәте хәбәр итә.
Семинарда республиканың Кама аръягы төбәгендәге төрле дәвалау учреждениеләреннән медицина реабилитациясе белән шөгыльләнүче йөзгә якын белгеч катнашты.
Анда Әлмәт, Түбән Кама, Кама Аланы, Минзәлә һәм Алабуга вәкилләре килде. Алар арасында табиб-невролог, терапевт, физиотерапевт, дәвалау физкультурасы һәм спорт медицинасы табиблары, рефлексотерапевт, психолог, медицина логопедлары бар.