Чаллыда сәүдә үзәгендә чыккан янгында ике кеше зыян күргән
Скопировать ссылку
Чаллыда сәүдә үзәгендә янгын чыккан, дип хәбәр иттеләр Россия Гадәттән тыш хәлләр министрлыгының ТР буенча Баш идарәсе матбугат хезмәтендә.
Тынычлык проспектындагы «Европа үзәге» комплексында төтен чыгуы турындагы хәбәр гадәттән тыш хәлләр министрлыгына бүген 12:24 сәгатьтә килде.
Урынга килгән янгын сүндерүчеләр икенче каттагы павильонда әйберләрнең янып китүен ачыклаган. Янгынның мәйданы 10 квадрат метр тәшкил итә.
Персонал һәм кунаклар янгын сүндерүчеләр килгәнче үк комплекстан эвакуацияләнгәннәр. Нәтиҗәдә ике кеше зыян күрә.