Чаллыда мобилизацияләнгән гражданнарның балаларын бушлай тукландыра башладылар
Скопировать ссылку
Чаллы мэры Наил Мәһдиев карары белән, мобилизацияләнгән ир-егетләрнең балаларын мәктәптә ике тапкыр бушлай тукландыра башладылар. Бүгенге көндә аларның саны - 422, унысы 53нче мәктәптә укый. Алар янына бүген Чаллы мәгариф идарәсе башлыгы Рөстәм Хуҗин килде.
«Социаль ярдәм алу өчен гаиләдәге әти-әнинең берсе уку йортына гариза язарга тиеш. Махсус хәрби операциядә катнашучыларның исемлеге хәрби комиссариттан алына», - дип белдерде җитәкче.
Укучыларның барысына да «Мәктәп туклануы» комбинатында әзерләнгән ризыклар тәкъдим ителә. Әти-әниләр мәктәп килеп, махсус журналга үзләренең тәкъдимнәрен дә калдыра ала.