news_header_top
16+
news_header_bot
news_top

Чаллыда машина йөртүчеләргә Мәскәүдәгегә караганда югарырак хезмәт хакы тәкъдим итәләр

Чаллыда машина йөртүчеләргә Мәскәүдәгегә караганда югарырак хезмәт хакы тәкъдим итәләр. Әйтик, булачак машина йөртүче-экспедитор аена 350 мең сумнан керемгә исәп тота ала, дип хәбәр итә РИА Новости SuperJob сервисын тикшерүгә сылтама белән.

Чагыштыру өчен, Мәскәүдә Е категорияле йөк машинасы йөртүчесенә 270-330 мең сум түләргә әзер. Магаданда шундый ук вазифада хезмәт хакы 260-300 мең сум тәшкил итә.

Россиянең башка шәһәрләрендә дә югары хезмәт хаклары булган вакансияләр ачылган. Усть-Илимскта машина йөртүче-экспедиторга аена 217,5 мең сумнан, Санкт-Петербургта электробус йөртүчегә – 200 мең сумга кадәр тәкъдим итәләр. Якутиянең Югоренок бистәсендә автотранспорт участогы башлыгы 174 меңнән 217,5 мең сумга кадәр алырга мөмкин.

Сервис мәгълүматлары буенча, октябрьдә йөк автомобилен йөртүче транспорт-логистика тармагында иң кирәкле һөнәрләр рейтингын җитәкләгән, кладовщик һәм комплектовщикны узып киткән.

news_right_1
news_right_2
news_bot