Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Чаллыда картиналарны кулсыз иҗат итүче рәссамның күргәзмәсе ачылды
Чаллы картиналар галереясында рәссам Ренат Мусинның картиналарыннан торган шәхси күргәзмә ачылды. Бу хакта Автокаланың Мәгълүмати сәясәт һәм җәмәгатьчелек белән элемтә идарәсе хәбәр итә.
Чаллыда һәм аннан читтә рәссам гадәти булмаган язмышлы кеше буларак билгеле. Ул ДЦП белән авырый һәм куллары белән рәсем ясый алмый. Шуңа да карамастан, рәссам актив, тулы канлы тормыш белән яши, аның картиналары бик популяр.
Ренат Мусин пумаланы беркетү өчен махсус җайланма уйлап тапкан һәм үз картиналарын баш хәрәкәтләре белән иҗат итә. Беренче тапкыр ул бу төр сәнгать белән Шәһәр Балалар иҗат сарае каршындагы Балалар Шәфкатьлелек Орденында танышкан. Анда ул рәсем ясарга өйрәнгән. Акрынлап акварель, пастель, гуашь белән язарга керешкән. Шуннан бирле Ренат пумаласын ташламый.
Картиналар галереясындагы хәзерге экспозициянең төп өлешен яшел урманнар, очсыз-кырыйсыз елгалар һәм мәһабәт таулар сурәтләнгән пейзажлар тәшкил итә. Рәссам үз эшләрендә бай төсләрдән файдалана.
Кызыклы яңалыкларны күзәтеп бару өчен Телеграм-каналга язылыгыз