Чаллыда «Камаз» генераль директорының киңәшчесе Фәйзулла Хөсниев белән хушлашалар

Россия Эчке эшләр министрлыгының Чаллы шәһәре буенча идарәсе бинасында «Камаз» генераль директорының киңәшчесе Фәйзулла Хөсниев белән хушлашу мәрасиме уза. Бу хакта хәбәрче вакыйга урыныннан яза.

Фәйзулла Хөсниев кичә 56 яшендә инфаркттан вафат булган.

Хөсниевне соңгы юлга озатырга дистәләгән кеше – якыннары һәм туганнары, хезмәттәшләре, шулай ук Чаллы Башкарма комитеты хезмәткәрләре килде.

Фәйзулла Хөсниев 10 елдан артык Эчке эшләр министрлыгының Чаллы шәһәре буенча идарәсен җитәкләде. 2015 елдан «Камаз» генераль директоры киңәшчесе вазифасын башкарды.