Чаллыда фура белән бәрелешкәннән соң җиңел машинаның йөртүчесе салонда кысылып калган
Скопировать ссылку
Чаллыда Сөембикә проспектында кичке унберенче яртыда юл-транспорт һәлакәте булды. «Татар-информ» мәгълүмат агентлыгына билгеле булганча, «Лада» машинасы йөртүчесе зур тизлектә Iveco фурасына килеп бәрелгән.
«Машина йөртүчесе 20 яшьлек егет. Аны машинадан чыгарыр өчен коткаручыларны чакыртырга туры килде. Ашыгыч ярдәм табиблары аны хастаханәгә алып киткән», - дип аныкладылар юл-транспорт һәлакәтләре шаһитлары.
