Чаллыда диабет белән авыручы балалар өчен бәйрәм оештырылды
Скопировать ссылку
Чаллы шәһәренең «Нур» яшьләр үзәгендә шикәр диабеты белән көрәшү көне алдыннан шушы диагноз куелган балалар һәм аларның әти-әниләре катнашында чара узды. Бу хакта Татарстан Сәламәтлек саклау министрлыгының матбугат хезмәте хәбәр итә.
Чараны Чаллы сәламәтлек саклау идарәсе җитәкчесе Рөстәм Ногманов ачып җибәрде. «Балалар күңелле вакыт үткәрәчәк, ә ата-аналар бик күп мөһим һәм файдалы мәгълүмат алачак, дип ышанам», - диде ул.
Шәһәрнең штаттан тыш баш балалар эндокринологы Роза Сәлимуллина кандагы шикәрне даими контрольдә тоту кагыйдәләрен аңлатты.
Кечкенә пациентлар һәм аларның әти-әниләре өчен артистлар һәм аниматорлар катнашында балалар бәйрәме оештырылды.