Чаллыда чүп ташу машинасы йөртүчесе 8 яшьлек баланы бәрдергән
Скопировать ссылку
Чаллыда чүп ташу машинасы йөртүчесе 8 яшьлек баланы бәрдергән, шуннан соң һәлакәт урыныннан качкан.
Чаллы Дәүләт автоинспекциясе мәгълүматлары буенча, 52 яшьлек йөк машинасы йөртүчесе Сөембикә проспектының ишегалды территориясе буйлап барган, куркынычсыз тизлекне сайламыйча, кар өемендә басып торган 8 яшьлек малайны бәрдергән. Шуннан соң балага ярдәм итмичә, һәлакәт урыныннан качкан.
Юл-транспорт һәлакәтендә җәрәхәтләр алган малай хастаханәгә озатылган.
