Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Чаллыда бала табучы хатын хастаханәдә үлгәннән соң тикшерү башланган
Бүген социаль челтәрләрдә Кама балалар медицина үзәгенең бала табу үзәгендә 35 яшьлек хатын-кыз үлүе турында хәбәрләр пәйда булды. Ул Кама балалар медицина үзәгендә яткан, аның 36 атналык көмәне булган. Кичә аның кинәт хәле начарайган. Табиблар ашыгыч рәвештә кесарев кисеме ясаган. Якынча мәгълүматлар буенча, хатын-кыз йөрәге туктаудан үлгән булырга мөмкин.
Медиклар яңа туган баланы коткарып кала алган.
«Татар-информ»га Чаллы Сәламәтлек саклау идарәсе матбугат хезмәтендә бу фактны расладылар.
«Кама балалар медицина үзәге җитәкчелеге һәм коллективы вафат булган ханымның гаиләсенең һәм якыннарының тирән кайгысын уртаклаша», - диделәр Сәламәтлек саклау идарәсендә.
Бу вакыйга буенча медицина ярдәме күрсәтү сыйфатына карата ведомство тикшерүе башланды. Вазгыять Татарстан Сәламәтлек саклау министрлыгында контрольдә тора.
«Тикшерү чаралары алып барыла. Тикшерү кысаларында, табиб серен хәбәр итмәү сәбәпле - барлык соралган мәгълүмат Тикшерү комитетына тапшырылган», - дип өстәделәр шәһәрнең Сәламәтлек саклау идарәсендә.
Кызыклы яңалыкларны күзәтеп бару өчен Телеграм-каналга язылыгыз