news_header_top
Руc Тат
16+
news_header_bot
news_top
Хәвеф-хәтәр 21 июль 2022 09:39

Чаллыда 70 яшьлек ханым сүндерелмәгән тәмәке белән йоклап киткән һәм фатирында янып үлгән

Скопировать ссылку

Чаллының Сөембикә проспектындагы 58/41нче йортта янгын чыгуы турындагы хәбәр 101 янгын сагы номерына бүген төнлә килгән. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

Чакыру буенча килгән ут белән көрәшүчеләр тугыз катлы йортның бишенче катында урнашкан өч бүлмәле фатирның залында мебель һәм әйберләр януын ачыклаган.

Янгынны сүндергән вакытта диванда 70 яшьлек хатын-кыз мәетенә тап булганнар.

Янгынның мәйданы 4 квадрат метр тәшкил иткән. Фаҗига саксыз тәмәке тарту сәбәпле килеп чыккан дип фаразлана – хатын-кыз өендә тәмәке тарткан һәм төпчеген сүндермичә йоклап киткәндер, мөгаен.

#янгын
news_right_1
news_right_2
news_bot