Чаллы янында юл кырыена төшеп капланган машинадагы биш кеше имгәнгән
Скопировать ссылку
Кичә кич сәгать җиденчедә Чаллыдан Минзәләгә бара торган юлда авария булган.
«Татар-информ» хәбәрчесенә һәлакәт урыныннан хәбәр итүләренчә, Ford җиңел машинасын йөртүче 22 яшьлек кыз идарәне югалта, машина юл кырыена төшеп китә һәм берничә тапкыр әйләнеп каплана.
Юл-транспорт һәлакәте вакытында автомобильдә дүрт пассажир булган.
Фото: © Валентин Кулагин
«Һәлакәттә машина йөртүче кыз һәм аның дүрт пассажиры - 23 яшьлек кыз, 22, 25 һәм 30 яшьләрдәге өч ир-ат зыян күрде. Алар төрле дәрәҗәдә имгәнгән, барысында хастаханәгә китерделәр», - дип хәбәр итте Россия Эчке эшләр министрлыгының Тукай районы ЮХИДИ бүлеге башлыгы Шамил Ганиев.