Чаллы театры Минтимер Шәймиев турында спектакль әзерли
Скопировать ссылку
Аяз Гыйләҗев исемендәге Чаллы татар дәүләт драма театры тамашачыларны премьералар белән сөендереп тора. Тиздән коллектив Татарстанның беренче Президенты Минтимер Шәймиевка багышланган спектакльгә репетицияләргә керешә. Бу хакта «Шәһри Чаллы» хәбәр итә.
Театрның әдәби бүлек мөдире, язучы Айгөл Әхмәтгалиева әйтүенчә, спектакль «Хәл бу ки... Минтимер Шәймиев» дип аталачак. Аны театрның сәнгать җитәкчесе Олег Кинҗәгулов сәхнәләштерә. Премьераны гыйнвар аенда чыгарырга планлаштыралар.
Сүз уңаеннан, Татарстан Рәисе Рөстәм Миңнеханов указы нигезендә 2027 ел Минтимер Шәймиев елы итеп игълан ителде. Киләсе елның 20 гыйнварында Минтимер Шәриповичка 90 яшь тула.