Чаллыда Ашыгыч медицина ярдәме хастаханәсендә хәрбигә операция ясадылар
Скопировать ссылку
Чаллының Ашыгыч медицина ярдәме хастаханәсендә 22 яшьлек хәрбигә операция булды. Ааның бил өлешеннән мина кыйпылчыгын алдылар.
Чаллы егете махсус хәрби операция вакытында яраланган була. Анда аңа рентген ясап, Чаллыга юллама бирәләр. Бу хакта «Шәһри Чаллы» газетасы хәбәр итә.
«Мина кыйпылчыгы нервлар янына якын урнашкан. Әз генә кузгалган булса, аякларының хәрәкәтләнүендә тискәре йогынты ясарга мөмкин иде», - диде операция ясаган нейрохирург Оксана Карпова.
Бәхеткә, кыйпылчык тән мускулларына гына кадалган. Үзен хәрәкәтләнгәндә сиздерә торган булган.