Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Чаллы шифаханәсенә эшкә урнашкан белгечләр, грант программасында катнашып, фатир алган
Чаллыда Л.Н.Ганиева исемендәге 4нче шифаханә яңа белгечләр белән тулыланды. Эшкә 7 терапевт һәм онколог, акушер-гинеколог, инфекционист, офтальмолог кебек белгечләр урнашты. Бу хакта «Шәһри Чаллы» хәбәр итә.
Табиблар Татарстаннан гына түгел. Терапевт Денис Сафиуллин Ижевскидан, ул Чаллы шифаханәсендә терапия бүлеге мөдире вазифасын башкара.
«Татарстан Республикасы һәм шәһәр мэры Наил Мәһдиев тарафыннан бирелүче грант Чаллыга эшкә килүче белгечләр өчен зур ярдәм булып тора. Үзем бу программада катнаштым һәм берничә ел инде үз фатирымда яшим. Яшь белгеч өчен бу начар түгел», – ди яшь табиб.
Акушер-гинеколог Виктория Головкова тумышы белән Нижегородская өлкәсеннән. Күченгәнче Мәскәүдә эшләгән һәм анда булачак ирен очраткан. Тормыш иптәше дә табиб, ул Чаллыга күченергә тәкъдим иткән. Виктория Головкова 4нче шифаханәдә, ире ашыгыч медицина ярдәме хастаханәсендә эшли.
«Яшь табибларга беренче вакытта, үзегез аңлыйсыз, үз фатирына акча эшләү авыр. Ә монда килдем дә, ел дәвамында грант алдым. Фатир шунда ук бирделәр. Менә шулай барысы да гади булды», - дип уртаклашты Виктория Головкова.
Кызыклы яңалыкларны күзәтеп бару өчен Телеграм-каналга язылыгыз