Чаллы шәһәрендә 5 килограмм авырлыктагы бала туган
Скопировать ссылку
Чаллының перинаталь үзәгендә 5135 грамм авырлыктагы малай дөньяга аваз салган. Ул Алабугада яшәүче гаиләдә өченче бала булып туган. Бу хакта «Шәһри Чаллы» Кама балалар медицина үзәгенең матбугат хезмәтенә сылтама белән хәбәр итә.
«Сабый кесарев кисеме белән туды. Операция уңышлы үтте. Сабыйны әнисе белән бала табу йортыннан чыгардылар», - ди бала тудыру бүлеге мөдире Анастасия Столярова.