Чаллы прокуроры итеп Фәнис Шәйхаттаров билгеләнде
Россия Генераль прокуроры боерыгы белән Чаллы прокуроры вазифасына юстициянең өлкән киңәшчесе Фәнис Шәйхаттаровны билгеләделәр.
Ул 1975 елда Татарстанның Чүпрәле районы Кече Чынлы авылында туа. 1998 елда «Юриспруденция» белгечлеге буенча Казан федераль университетының юридик факультетын тәмамлый.
Прокуратура органнарында хезмәтен 1997 елда Кама Тамагы районы прокуроры ярдәмчесе вазифасында башлый.
Питрәч районы прокуроры вазифасына 1 класслы юрист Никита Ананьев билгеләнде.
Ул 1991 елда Бөек Устюг шәһәрендә туа. 2013 елда «Юриспруденция» белгечлеге буенча «О.Е. Кутафин исемендәге Мәскәү дәүләт юридик университетының» юридик факультетын тәмамлый.
Прокуратура органнарында хезмәтне 2014 елда Вологда өлкәсе прокуроры ярдәмчесе вазифасында башлаган.