Чаллы прокуроры физик мөмкинлекләре чикле баланың теләген тормышка ашырган
Скопировать ссылку
Чаллы прокуроры Артур Әбуталипов 9 яшьлек Халидның хыялын тормышка ашырган - малайга акыллы колонка тапшырган. Бу хакта «Шәһри Чаллы» хәбәр итә.
Физик мөмкинлекләре чикле булса да, бала актив тормыш алып бара: спорт белән шөгыльләнә, йөзәргә ярата, кыяга үрмәли.
Прокурор баланы прокуратурага чакырып, бүләк тапшырган. Бина буенча экскурсия үткәргән, әлеге хезмәтнең тарихы, эшчәнлеге белән таныштырган.
Халидның әнисе баласына кайгыртучанлык күрсәткән прокуратура хезмәткәрләренә рәхмәт белдергән.