Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Чаллы паркларында психологлар эшли башлады
Чаллы паркларында психологлар эшли башлады. Бу атнада Шишкин бульварында беренче очрашу узды. Проект «Психолог белән очрашу» дип атала. Табиб- психолог Анастасия Ваганова «Замана чирләре» темасына чыгыш ясады. Соңыннан ул тамашачыларны кызыксындырган сорауларга җавап бирде. Аеруча ата-ана һәм бала мөнәсәбәтләренә кагылышлы сораулар еш яңгырады, дип хәбәр итә «Шәһри Чаллы» газетасы.
«Балалар белән бәйлелек (зависимость) темаларына ничек сөйләшергә? Замана үзгәрешләрен ничек кабул итәргә? Үсмерлек чорына күчү темасына да кагылып уздылар. Бу очрашуларның зур әһәмияткә ия булуын аңладык. Шуңа мондый очрашуларны Чаллы паркларында аена 2 тапкыр уздырырга уйлыйбыз. Табиб-психологлар да бу эшкә бик теләп алына. Әлегә берсе белән хезмәттәшлек итәбез. Бәлки алга таба калган белгечләр белән дә эшләрбез», – диде «Чаллы парклары» командасы җитәкчесе Анна Балашова.
Очрашуда 20-30 кеше катнашты. «Яңгыр ява башлагач сөйләшүне өзәргә туры килде», – ди Анна Балашова. «Психологлар белән очрашу»га киләргә теләүчеләр күбрәк булыр дип ышана оештыручылар. Киләсе очрашу 26 июльгә планлаштырылган. Анда гаилә мөнәсәбәтләре турында сөйләшәчәкләр.
Телеграм каналда «Чаллы парклары» («Парки Челнов») дип аталган төркем ачылды. Анда айлык афишаларны куеп баралар, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз