Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Чаллы мэры янгында үлгән балалар истәлегенә куелган мемориалга чәчәк алып килгән
Чаллы шәһәре мэры Наил Мәһдиев бүген 43нче комплекстагы биш катлы йорт янында урнашкан мемориалда булды. Ул йортта кичә янгын вакытында балалар һәлак булды. Шулай ук башкарма комитет җитәкчесе Фәрит Сәлахов та чәчәк салды.
«Балаларның һәлак булуы - коточкыч фаҗига. Кичә 43нче комплекста янгын нәтиҗәсендә ике бала һәлак булды, аларның берсенә 4 яшь иде, икенчесенә - 2 яшь», - диде шәһәр башлыгы үзенең Telegram-каналында.
Мәһдиев һәлак булган балаларның туганнарының һәм якыннарының кайгысын уртаклашты. Әти-әниләргә балаларны караучысыз калдырмаска өндәде.
«Аларны бер генә минутка да, бер генә секундка да күздән ычкындырырга ярамый. Балалар Ходай Тәгалә тарафыннан бирелгән. Балалар булу - зур бәхет, аны даими сакларга кирәк. Бу очракта без - балаларны һәм оныкларны тәрбияләүче өлкәннәр булган хәлләрдә гаепле», - диде ул.
Балаларны Татарстанның Сарман районында җирләячәкләр.
Кызыклы яңалыкларны күзәтеп бару өчен Телеграм-каналга язылыгыз