Чаллы мэры кыска вакытлы ялга кайткан хәрбиләр белән очрашты
Скопировать ссылку
Фото: © https://t.me/nabchelnyofficial
Чаллы мэры Наил Мәһдиев Украинадагы махсус хәрби операциядән кыска вакытлы ялга кайткан хәрбиләр белән очрашты. Очрашуга барлыгы 39 кеше килгән. Бу хакта шәһәр администрациясенең телеграм-каналында хәбәр ителә.
«Без сезнең белән горурланабыз, сезнең өчен борчылабыз. Сезнең һәрберегез безнең өчен кадерле. Бүгенге очрашу — сезгә хәрби бурычыгызны намус һәм дәрәҗә белән үтәгәнегез өчен чын күңелдән рәхмәт сүзләре әйтү, зур хөрмәт белдерү мөмкинлеге», - дип белдерде Мәһдиев.
Мэр хәрбиләргә кирәк-яраклар салынган рюкзаклар тапшырды һәм барлык чаллылылар исеменнән батырлыклары өчен рәхмәт белдерде.
