Чаллы ифтарында Татарстан мөфтие катнашты
Скопировать ссылку
Чаллыда мэр Наил Мәһдиев исеменнән ифтар мәҗлесе узды. Шәһәр имамнары, аксакаллар, җәмәгать эшлекләре, эшмәкәрләр, төрле оешма җитәкчеләре – барлыгы 300 кеше җыелды. Ифтарга Татарстан мөфтие Камил хәзрәт Сәмигуллин да килде. Бу хакта «Шәһри Чаллы» газетасы яза.
Мөфти Рамазан ае фазыйләте һәм аның соңгы 10 көне турында сөйләде. Аның әйтүенчә, 2025 ел ТР мөселманнары диния нәзарәтендә «Каһарманнар елы» дип игълан ителде.
Искәртергә кирәк, Чаллы мөхтәсибәте махсус операция башланганнан бирле хәрбиләргә гуманитар ярдәм җыеп тапшыра. Моннан тыш, махсус операциядә һәлак булган ир-егетләр гаиләләре белән очрашулар уздыра. Узган атнада «Коръән ашы» һәм ифтар оештырылды, диелә хәбәрдә.