Чаллы һәм Минзәлә арасындагы авариядә ике кеше һәлак булган
Скопировать ссылку
Бүген иртән М7 федераль трассасында, Татарстанның Минзәлә районында кеше үлеменә китергән юл-транспорт һәлакәте булган. Бу хакта «Татар-информ» агентлыгына авариянең шаһитлары хәбәр итте.
Авария Хуҗамәт авылы янында килеп чыккан. Анда Lifan җиңел автомобиле һәм «ГАЗель» йөк машинасы кара-каршы бәрелешкән.
Җиңел машинадан бары тик тимер өеме генә калган. Авариядә ике кеше һәлак булган, тән җәрәхәтләре алган тагын бер кеше хастаханәгә озатылган.
Фото: © «Татар-информ»