Былтыр Татарстанда прививкаларга каршы булган 15 меңләп кеше вакцинацияләнгән
Татарстанның баш санитар табибы, былтыр медицина оешмаларына йөрү чикләнгәнлектән, прививкага каршы булганнар белән эш берникадәр кимегәнен билгеләп узды.
(Казан, 20 гыйнвар, «Татар-информ», Гөлнар Гарифуллина). Узган елда Татарстанда прививкага каршы булган 15 меңләп кеше вакцинациягә барган.
Кулланучылар хокукларын яклау һәм кеше иминлеге өлкәсендә күзәтчелек хезмәтенең Татарстан буенча идарәсе (Роспотребнадзор) җитәкчесе Марина Патяшина коллегия утырышында шул хакта әйтте.
«15 меңгә якын кешегә прививка ясаттык, ләкин алты районда бу күрсәткечләр тагын да югарырак була алыр иде», — диде. Марина Патяшина медицина оешмаларын шушы мәсьәлә игътибар итүләрен сорады.
Баш санитар табиб, былтыр медицина оешмаларына йөрү чикләнгәнлектән, прививкага каршы булганнар белән эш берникадәр кимегәнен билгеләп узды.