news_header_top_970_100
news_header_bot_970_100

Быелгы җәйдә Татарстанда «Суда имин ял итү порталы» эшли башлаячак

Яңа порталда санкцияләнмәгән ял итү урыннарында кешеләрне сагалап торган хәвеф-хәтәр турында мәгълүмат җыелып барачак.

Быелгы җәйдә Татарстанда «Суда имин ял итү порталы» эшли башлаячак
Султан Исхаков

(Казан, 29 май, «Татар-информ»). Быелгы җәйдә Татарстанда «Суда имин ял итү» порталы эшли башлаячак. Яңа сайтта коенырга рөхсәт ителгән урыннар, шулай ук ял итүчеләр арасында популяр булган «кыргый» комлыклар турында мәгълүматлар җыелып барачак.

Анда теләгән һәркем кайда ял итәргә ярый, кайда юк икәнлеге хакында белә ала. Санкцияләнмәгән ял итү урыннарында кешеләрне сагалап торган хәвеф-хәтәр турында мәгълүмат урын алачак. Кешеләр батып үлгән урыннарны да билгеләп барачаклар. Бу хакта ТР Кече суднолар буенча баш дәүләт инспекторы Юрий Венедиктов «Татар-информ» агентлыгында узган матбугат конференциясендә хәбәр итте.

«Иң мөһиме, ял итүчеләр үзләре дә куркыныч урыннарны билгеләр дип өметләнәбез. Порталда шулай ук суда үзеңне тоту кагыйдәләре һәм аларны бозган өчен штрафка тарту ихтималы турында да мәгълүмат урнаштырылачак», - дип искәртте Юрий Венедиктов.

news_right_column_1_240_400
news_right_column_2_240_400
Медиаметрикс
news_bot_970_100