Быел Татарстанның 180 мәктәбендәге ашханәләрнең азык-төлек блоклары төзекләндереләчәк

2021 елның 1 сентябренә 196 мәктәптә ашханәләрнең азык-төлек блокларында ремонт ясалган.

Скопировать ссылку

(Казан, 1 февраль, «Татар-информ», Гөлнар Гарифуллина). Быел республиканың 180 мәктәбендә ашханәләрнең азык-төлек блокларында капиталь ремонт уздырырга җыеналар. Төзекләндерү эшләре Татарстан программасы нигезендә башкарылачак.

Бу хакта парламентның Мәгариф, мәдәният, фән һәм милли мәсьәләләр комитеты утырышында ТР мәгариф һәм фән министры урынбасары Алсу Әсәдуллина сөйләде.

Аның сүзләренчә, былтыр 44 райондагы мәктәп ашханәләренең азык-төлек блокларында ремонт эшләре уздыру өчен 1 млрд сум акча бүлеп бирелгән булган. 2021 елның 1 сентябренә 196 мәктәптә ашханәләрнең азык-төлек блоклары төзекләндерелгән, заманча җиһазлар сатып алынган, тәрәзә, ишек блоклары алмаштырылган.

Бүгенгә тагын 537 мәктәп ремонтка мохтаҗ. Бу исемлектәге 180 ашханәнең азык төлек-төлек блогы 2022 ел программасына кертелгән.

Сәхифәләр

Быел Татарстанның 180 мәктәбендәге ашханәләрнең азык-төлек блоклары төзекләндереләчәк