Быел Татарстанда ВИЧ-инфекциядән 150 ләп кеше үлгән
Республикада ВИЧ теркәлә башлаганнан бирле, ВИЧ диагнозы белән 7184 кеше вафат булган.
Скопировать ссылку
(Казан, 1 декабрь, «Татар-информ», Гөлнар Гарифуллина). Быел Татарстанда ВИЧ-инфекциядән 150 ләп кеше үлгән. Бу хакта «СПИД һәм йогышлы авыруларга каршы көрәш буенча республика үзәге» баш табибы Нияз Галиуллин әйтте.
Республикада ВИЧ теркәлә башлаганнан бирле, ВИЧ диагнозы белән 7184 кеше вафат булган, шул исәптән ВИЧ-инфекция 2386 кешенең үлеменә сәбәп булган.
Татарстанда ВИЧ диагнозы белән бүген 13810 кеше яши. Дөньяда ВИЧ белән 43 млн нан артык кеше яши, ел саен 2 млн га якын кешедә ВИЧ ачыклана.